ACTIVIDADES DO 23 DE ABRIL,DÍA DO LIBRO 2014

No primeiro recreo o alumnado leu a obra Relato de un naúfrago de Gabriel García Márquez, foi a nosa pequena homenaxe no Día do Libro.Co Equipo da Biblioteca colaboraron Vicedirección e EDL.

E no 2º recreo disfrutamos todos dun día especial na Biblioteca saboreando unha chocolatada con soletillas de biscoito para celebrar este día tan especial cos libros.A Biblioteca nunca estivo tan solicitada e degustada.Ese día rematamos cun brindis de chocolate pola BIBLIOTECA.

EXPOSICIÓN DO ENTROIDO 2014

Os alumnos/as de 1º da ESO do curso 2013/14, e tamén algúns do curso anterior, co seu entusiasmo e vitalidade, fixeron posible un ano máis a realización da exposición-concurso de caretas organizado pola Vicedirección e a Biblioteca.Aquí tedes o resultado do que aprenderon na materia de Educación Plástica e Visual. O material usado de base foi papel e cola ou vendas de xeso. Están pintadas coa técnica de témperas.
O Equipo de Dinamización Lingüística expuxo uns carteis onde se fai un percorrido polo Entroido en Galicia: máscaras e traxes.

1º Premio: Paula Noya Mourullo

2º Premio:Mohamad Shakhasa Shakhasa

3º Premio: Cristina López Iribarnegaray

AS NOSAS ROSALÍAS

Para esta data tan significativa, 24 de febreiro, a do nacemento dunha das figuras femininas máis representativas da nosa poesía, Rosalía de Castro, os alumnos/as de de 2º de Bacharelato, na materia de Técnicas Gráfico Plásticas, deron a súa visión particular dela.Utilizaron o recurso técnico dos patróns, mesturado con técnicas de salpicados ou soprados con acrílicos, témperas, tintas ou acuarelas; tamén técnicas secas como rotuladores ou pasteis. A pintura acrílica nalgún traballo é usada con textura e carga matérica.
Tamén o Equipo de Dinamización Lingüística conxuntamente coa Biblioteca e Vicedirección realizaron unha actividade na materia de galego que consistía en recrear os versos de Rosalía.O alumnado escolleu ben debuxos, fotos...para recrear os seus versos e actualizalos.

21 DE FEBREIRO: DÍA DA LINGUA MATERNA

No Día da Lingua Materna declarado pola Unesco o 21 de febreiro, conxuntamente o Equipo de Dinamización Lingüística , Vicedirección e a Biblioteca pedíronlle a todos os membros da comunidade educativa que escribisen a súa palabra favorita.Esta iniciativa tivo moito éxito.Algúns tamén a debuxaron.  http://es.wikipedia.org/wiki/D%C3%ADa_Internacional_de_la_Lengua_Materna

http://www.unesco.org/new/es/unesco/events/prizes-and-celebrations/celebrations/international-

days/international-mother-language-d

Día Internacional da Lingua Materna 2014

Un ano máis, a Xunta de Galicia e a Rede de Dinamización Lingüística súmanse á celebración do Día Internacional da Lingua Materna. Unha celebración que busca lembrarnos o valor das linguas, independentemente do número de falantes que teñan, para asegurar a diversidade cultural, contribuír ao coñecemento humano e potenciar a participación de todas as persoas na construción de sociedades democráticas.

Cada 21 de febreiro, a UNESCO chama a nosa atención sobre a importancia de usarmos e transmitírmoslles ás novas xeracións as linguas autóctonas de cada lugar e, este ano, destaca o seu papel como medios de acceso ao saber e de produción de coñecemento científico.

A mensaxe do Día Internacional da Lingua Materna 2014 é que todas as linguas humanas, e por suposto o galego, teñen o mesmo potencial para seren vehículo de investigación e de divulgación científica.

Mensaxe da directora xeral da UNESCO, Irina Bokova, con motivo do Día Internacional da Lingua Matern