O Departamento de Xuventude do Concello de Santiago de Compostela, en colaboración co departamento de Debuxo do IES de Sar, organiza todos os anos un curso de formación para o alumnado de Artes. Neste curso foi sobre a paisaxe.
Os destinatarios do mesmo foron alumnos de 1º e 2º de Bacharelato de Artes cunha duración de 30 horas.
O obradoiro comezou o 14 de outubro e rematou o 24 de novembro.
 |
| Parte dos alumnos participantes no obradoiro |
Tivo un carácter práctico, e tomando como fío condutor o motivo das paisaxes, déronse a coñecer diversas técnicas do debuxo e pintura. Partindo de paisaxes de Braque e de Van Gogh, traballaron o enfoque, a composición, e a estrutura e desestruturación da paisaxe na pintura abstracta. Ademais víronse diferentes interpretacións da paisaxe a través dos cadros de artistas recoñecidos.
O dirección do curso correu a cargo do recoñecido artista Xoti de Luis, con obra presente en numerosos museos e importantes coleccións: Museo Carlos Maside, Museo del Arte Moderno (León), Museo Bello Piñeiro (Ferrol), Espacio Grasslin - Nantes, Coleccións de CaixaNova, CaixaGalicia, Banesto, Banco Exterior de España, Concello de A Coruña, Cambre, Ferrol, Pazo Raxoi, Museo de Arte Deportivo, etc.
Ao remate do curso entregouse un diploma acreditativo expedido polo Concello de Santiago de Compostela.
A exposición dos traballos inagurouse o 13 de Marzo no Centro Sociocultural e Xuvenil O Ensanche, e poderá ser visitada ata o 31 de Marzo.
Artigo de
La Voz de Galicia do Venres 18 de Outubro.
Artigo de
La Voz de Galicia do Xoves 13 de Marzo.
