Compartimos algunhas imaxes do proxecto coordinado pola profesora de Técnicas gráfico-plásticas do noso centro, Carmela Romay, que leva por título IGUALDADE ILUSTRADA. Editado polo Concello de Santiago, inclúe a lectura plástica e visual que fixeron as nosas alumnas e alumnos sobre mulleres que teñen destacado no ámbito da cultura: escritoras, músicas, artistas...

No Día Internacional da Eliminación da Violencia contra a Muller, 

compartimos o manifesto que escribiron as alumnas e alumnos que cursan

Literatura Universal en 1º de Bacharelato.

A ver se escampa...

Animádevos a participar nos concursos de Deseño de Cabazas e de Microrrelatos de Terror.

 

Estades convidados todos os alumnos da ESO a compartir o Día das Bibliotecas Escolares cunha chocolatada no segundo recreo.

 

 

BENVIDOS Á VOSA CASA

Imaxes de Quint Buchholz

Un novo curso, a Biblioteca do IES de Sar abre as súas portas co convencemento de que entre estas catro paredes enraíza parte do mellor futuro dos nosos alumnos.

Ao pé de Belvís e Mazarelos, a nosa biblioteca érguese como un gran faro de luz e saber. Dende as nosas cristaleiras albíscase ese futuro que cada un dos nosos alumnos tenta ler aí fóra, onde os libros beben, onde os libros enchen as súas alforxas de experiencias únicas e transferibles que chegan a nós coa morna inxección do coñecemento, coa solidaria empatía da lección lenta, repousada, enriquecedora.
Libros de literatura, de arte, de filosofía, cómic. Libros de palabras que esperan por ti. Libros de imaxes que te ven desoutro lado. Libros que te buscan, nos que podes recoñecerte aínda que ti de momento non o saibas.
Abrir un libro é como entrar nunha casa baleira, decoñecida, chea de recantos acolledores.
Nas túas mans está deixarte acoller por esas casas.
O equipo que coordina a Biblioteca do IES do Sar traballa para que este faro, dende o que poden verse todas esas casas cheas de sorpresas, sexa acolledor.
Para que este faro guíe o teu camiño de estudante e o sintas como propio.

Esperámoste.