AS HUMILDES CASTAÑAS

A castaña é o froito máis ligado á nosa cultura. Ten un amplo vocabulario que a identifica nas distintas formas e fases do seu crecemento, como agrela, bicuda, loura, bullada, degraída... Forma parte do noso refraneiro popular ("as castañas no Nadal, saben ben e pártense mal") ou está presente en expresións cotiás como "auga de castañas" (dise do café frouxo) ou "sacarlle a un as castañas do lume" (librar a un dun problema). Tamén deu orixe a moitos topónimos de Galicia (Castañeiro ou Castiñeira). 
O magosto tradicional enténdese como unha merenda-cea do mes de novembro, nos días próximos ao día de Defuntos ou polo San Martiño. Esta festa ten moito arraigo en Ourense.
O castiñeiro foi tan importante,  que se chamou "a árbore do pan", pero no s. XVII foi substituído o consumo dos seus froitos pola pataca, que veu de América.
Na nosa gastronomía temos unha grande variedade de receitas nas que a castaña é un ingrediente básico: con carnes, con sobremesas. Lembramos algunha: a torta de castañas, a mousse de castañas ou o marrón glacé.

Para saber máis preme aquí.

Os/as alumnos/as de 2º de Bach. de Técnicas Gráfico Plásticas interpretaron a castaña e algúns tipos de folla nas técnicas de lapis de grafito, lapis acuarelable ou, máis libre, recreando esas formas coas técnicas de rotuladores, acuarela, collage...