¡¡¡FELIZ VERÁN!!!

Feliz descanso e disfrutade do verán.

Agradecemos  a vosa colaboración ao longo de todo o curso.

"Ardalén" de Miguel Anxo Prado

Os profesionais do cómic escolleron en votación aos gañadores dos premios da XXXI Salón Internacional do Cómic de Barcelona.
"Ardalén"de Miguel Anxo Prado resultou gañadora e, en palabras do propio autor,é "unha historia en torno á memoria persoal. A memoria como esencia da nosa existencia,da percepción da nosa propia vida,da nosa identidade. Pode sonar filosófico pero,ao final,se trata dun puñado de seres humáns que se axudan e se fan dano uns a outros,algúns chegan a quererse e todos aférranse aos seus recordos para evitar o naufraxio".
Ardalén é unha historia de lembranzas, de emigrantes e mariñeiros ... en busca dun futuro mellor.

Doazón de libros pola Anpa

Aproveitamos esta ocasión para dalas grazas a nosa Anpa pola súa colaboración coa Biblioteca e tamén con outras actividades do centro neste ano e pasados. Sempre foi moi receptiva a todas as propostas. Sabemos do seu esforzo porque é unha Anpa pequena,pero menos pode ser máis ben administrado.
É moi importante neste momento que xuntemos as nosas forzas e loitemos polo futuro dos alumn@s.A Anpa non debería desaparecer.
Nas fotos aparecen parte dos libros doados pola Anpa e tamén algunhas integrantes do "Club de Lectura As Lectoras Cósmicas" de 1º da ESO.Tamén doulle a elas as grazas polo seu interese e colaboración coas actividades da Biblioteca e do centro.

ARTE E MÚSICA VAN DA MAN

Os libros no deseño gráfico

Estes carteis son de Gunter Rambow, de orixe alemá, deseñador e educador. Un dos creadores de imaxes máis innovadoras de finais do século XX e contribuíu moito á historia do deseño gráfico.

WAGNER, UN DESCOÑECIDO?

¿Que sabes de Wagner? Máis do que cres. Voucho demostrar:

¿Sónache esta melodía?

Ademais de ser a banda sonora da película "Apocalipse Now" e de múltiples spots publicitarios, é "a cabalgata das valquirias" da ópera "A Valquiria" de Wagner .

A ver se coñeces esta outra:

Pois tamén aparece noutra ópera: Lohengrin.

Preme neste enlace:
http://www.turgalicia.es/imaxes/mdaw/mdm1/~edisp/~extract/TURGA035815~1~staticrendition/tg_carrusel_cabecera_grande.jpg

É o Auditorio de Galicia visto desde o escenario. É un teatro sen palcos que apaga as luces das butacas e pecha as portas cando empeza a representación. É un invento de Wagner. Antes, a xente iba á ópera para pechar negocios, encontrarse cos amantes, criticar os outros asistentes... e era do máis normal falar, comer, pedir bises e tirar tomates.
 Wagner fixo construír un espazo onde as butacas eran incómodas, para impedir que o público quedase durmido, e as portas se pechaban con chave, para que ninguén puidese escapar. Non había máis remedio que atender á música, e para colmo as súas óperas duraban varias horas...

Esta palabra é xa parte do noso léxico: Leitmotiv
Pois tamén a inventou Wagner para referirse a melodías que aparecían unha e outra vez nas súas óperas asociadas a personaxes ou ideas. Velaí tes un leitmotiv coñecido que representa a seguinte idea: que veñen os malos!!

Este tema non é de Wagner, claro, senón de John Williams. Star Wars está cheo de Leitmotiv.

Se queres máis Wagner, isto é o que temos na biblioteca:

Colección de CDs de música clásica El País:

• nº 49 "Oberturas, fragmentos, escenas" 
• nº 50 "Wagner e Venezia"

A película "Ludwig", de Luchino Visconti, narra a vida de Luis II de Baviera, mecenas de Wagner.

Tamén che recomendo que leas no marabilloso libro de Cunqueiro "Os outros feirantes" a historia de Tristán García , mozo que soña  con casar cunha moza chamda Isolda, como na ópera de Wagner, "Tristán e Isolda"