ENTRE VIÑETAS

Ilustración: Miguel Ángel Vigo Baleirón

Da colaboración entre a Concellaría de Xuventude do Concello de Santiago e o IES de Sar xurde unha exposición que recolle o bo facer do alumnado do Centro.

Froito do traballo de varios meses e baixo a dirección de Miguel Ángel Vigo Baleirón, un grupo de xóvenes artistas (alumnos do Bacharelato Artístico do IES de Sar) asistiron a unha actividade formativa, obtendo como resultado unha mostra coas diferentes pezas resultantes.
No curso pretendíase unha aproximación ao mundo da banda deseñanda a través do emprego de diferentes técnicas, da visión e estudo dos diferentes autores, estilos dos debuxantes, técnicas narrativas, co resultado da elaboración dun cómic por parte de cada alumno.


Estas son algunhas imaxes da inauguración desta exposición que leva por título: "ENTRE VIÑETAS. RELATOS E SOÑOS GRÁFICOS DE ALUMNOS DO IES DE SAR" que tivo lugar o pasado 19 de febreiro.
O lugar do evento foi o CSC e Xuvenil Municipal O Ensanche.
AGRADECEMENTOS
Profesorado e alumnado do IES de Sar
Mª Sol Barral
Miguel Ángel Vigo Baleirón
PARTICIPANTES
Fernando Abeijón Santiago, Sonia Alonso Castro, María Astray Piñeiro, Carla Bautís Estévez, Ana Belén Blanco Mougán, Adrián Bouzas Montiro, María J. López Sanmartín, Iria Matos Gato, Breogán Oubiña
García, Beatriz Pérez Lista, Sofía Rodríguez Fernández, Claudia Rodríguez Mayán, Mireia Suárez Saiz, Pedro Manuel Waldenmaier Villaverde.

 

           

Reseñas do evento no Correo Gallego do 19 e do 20 Febr. 2013. Páx. 27 nambos casos.

LOL

Outra película sobre inquedanzas adolescentes, esta vez no ambente urbán parisino. ¿Recoméndala?

HISTORIA DA MÚSICA ILUSTRADA

BENVIDA PRIMAVERA

¿TE ATREVES A SOÑAR?

FUCKING AMAL

Fucking Amal é unha película sobre o mundo adolescente ben distinta á visión superficial e desenfadada  á que nos ten acostumados o cine americano. O tedio, a soidade, o acoso, as relacións de parella,  a descuberta da propia sexualidade, o futuro, a necesidade de encaixar no grupo, o desexo de cambiar as cousas, a intolerancia, son algúns dos temas que toca a película. ¿Sínteste identificad@ coas inquedanzas de algún personaxe?

21 DE MARZO DIA DA POESÍA

CONCURSO DE RIMAS ENXEÑOSAS 

•     En castelán ou galego
•  Tema libre
•  Entrega en vicedirección ou envío a librotksar@gmail.com
•  Ata o mércores 20 de marzo ás 14:30
•  Categorías: PCPI, ESO E BACH.

                      

Ilustracións de Billy Renkl

CONCURSO DE POEMAS

•      En castelán ou galego
•         Tema libre
•           Entrega en vicedirección ou envío a librotksar@gmail.com
•          Ata o mércores 20 de marzo ás 14:30
•         Categorías: PCPI, ESO E BACH.

La espada de los Elbos (La leyenda de Camelot II)

Autores: Wofgang e Heide Hohlbein 
Editorial: Alhambra/Pearson 
Idioma: Castelán
Páxinas: 398


Lancelot impediu a morte de Arturo ás mans de Moldred e agora o rei débelle a vida. Chegou o día da voda e o pobo celebra alborozado o próximo enlace de Arturo e Xenebra. Cando a parella está xa ante o altar, aparece na capela Morgana, nai de Moldred, e secuestra a noiva. Lancelot ponse en camiño para tratar de liberala. Leva consigo a espada máxica dos Elbos, á que ningún inimigo pode vencer.
Mentres as hostes de Moldred se dispoñen a atacar Camelot.
A lenda de Camelot continúa en:

A lenda de Camelot continúa en:

La magia del Gria (Vol. I)

El escudo de Runas (Vol. III)

DÍA INTERNACIONAL DA MULLER 8 de MARZO

O soño imposible. I e II igualdade de xénero.

Guión e direción: Tina Jorgenson

Visto en: Concellería de igualdade do Concello de Vigo

VINCENT VAN GOGH

       Os alumnos de1º de  bacharelato de artes acaban de rematar de ver a película de Vicent Minelli "El loco del pelo rojo" protagonizada por Kirk Douglas e Anthony Quinn nos papeis de Van Gogh e Gauguin. Trátase dunha película biográfica na que podemos escoitar fragmentos das cartas enviadas ao seu irmán Théo, marchante de arte que  mantivo o pintor ata a súa tráxica morte, pois non conseguiu vender máis que un cadro que deu para reparar un galiñeiro... Película e libro dannos unha idea da personalidade, das obsesións e da desesperación, loucura e agonía do xenial artista.

Algunhas frases extraídas das súas cartas:

• "É mellor ter moito esprito, aínda que se cometa un maior número de erros, que ser de mente estreita e prudente para todo"
• "Se escoitas unha voz dentro de ti decíndote "non sabes pintar", pinta, ¡faltaría máis! e a voz calará."
• "Elixín conscientemente o camiño do can a través da vida. Vou ser pobre. Vou ser pintor"
• "¿Que sería da vida se non tivésemos o valor de intentar algo novo"
• "Aquí non fixen máis que pintar incansablemente para aprender a pintar."